Marcus Antonius Sabellus de situ patriae aggressus historiam, suffragiis totius provinciae emendicatis, Hunnos nititur illustrare; cumque antiquitatis omne illis defieri argumentum non ignoraret, Iulii aevitatem apud rerum primordia infitiatus, Aquileiam solum participari vetustate profitetur. Ut igitur Hunnium famigeraret, Iulium suppressit, ratus defuturum qui olim insidias huius historiae enodaret. Meme lege, Sabelle: adsum Iulii alumnus simul ac suffragator [f] hereditariis patriae laudibus tuae occursurus [g] historiae, quas ipse praeteriens obliquata cervice subnervasti. De situ praeterea Iuliensis agri, tum alpestri, tum campestri, opere nostro alio vicatim discusso, quam, Sabelle, truncaveras ea nobis intexta est copia ut marginis quantitate cum provinciae reliquo possit aeque contendere. Nunc ab oppidi antiquitatibus ordiamur.

Note